IKASTETXEENTZAKO, IRAKASKUNTZA-KOOPERATIBENTZAKO ETA GURASO-ELKARTEENTZAKO DIRU-LAGUNTZEN DEIALDIA
Altsasuko Udalak 2026/2027 ikasturterako ikastetxeentzako, irakaskuntza-kooperatibentzako eta guraso-elkarteentzako diru-laguntzen deialdia onartu du.
Altsasako ikastetxeei zuzendutako dirulaguntza honek diruz lagun daitezkeen lau lerro edo kontzeptu ditu: hezkuntza-proiektu berritzaileentzako diru-laguntza; irakaskuntzara bideratutako materiala hobetzeko programen diru-laguntza, berrikuntzaren bidez; eskolaz kanpoko euskarazko jardueren gastuetarako diru-laguntza; eta, azkenik, Gurasoen Elkarteek antolatutako jarduerak.
Diruz lagundu daitekeen lehen kontzeptuari dagokionez, udal dirulaguntza hezkuntza eskaintzaren eta zerbitzuen kalitatea, trukea, parte-hartzea eta herritarrek baliabideak aprobetxatzea bultzatzeko programatzen diren hezkuntza-ekimenak finantzatzeko laguntza gisa ulertu behar da.
Diruz lagundu daitekeen bigarren kontzeptuaren helburua irakaskuntzara bideratutako eskola-materiala hobetzea da, material hori berrituz eta horrela, irakasleen eta ikasleen errendimendua hobetuz.
Diruz lagundu daitekeen hirugarren kontzeptuak euskarazko eskolaz kanpoko jarduerek eragindako gastuak aipatzen ditu, eta helburua da diruz laguntzea beste pertsona fisiko eta/edo juridiko publiko eta/edo pribatu batzuek bere gain hartzen ez dituzten gastuetan, jarduera horiek ahalik eta ondoen garatzen direla bermatzeko.
Azkenik diruz lagundu daitekeen laugarren kontzeptu bat jasotzen da, Guraso Elkarteek antolatutako jardueretarako.
-. Ikastetxeko gurasoentzako prestakuntza-jarduerak.
-. Ikastetxeko ikasleek eta, hala badagokio, gurasoek parte hartzen duten eskola-orduetako eta irakastorduetatik kanpoko jarduerak.
-. Jantoki-zerbitzuak sortutako gastuak.
Eskabideak aurkezteko epea 2026ko azaroaren 21ean amaituko da.
OHARRA:
Jarraian azalduko diren deialdiaren oinarri arautzaileetan akats bat dago 5. oinarrian (“Diru kopurua”) eta, zehazki, 6. orrialdean. Horrela, 2. taldeari esleitutako diru-kopurua nola banatuko den zehazterakoan, adierazi da kopuru hori “2025/2026” ikasturtean ikastetxean matrikulatutako ikasle-kopuruaren arabera banatuko dela, 2026/2027 ikasturteari erreferentzia egin beharko litzaiokeenean.
Honekin batera oinarri arautzaile hauetan beste akats bat dago 6. oinarrian (“Eskabideak eta dokumentazioa”) eta, zehazki, 11. orrialdean. Horrela, 3. taldeko jardueretarako likidazioaren dokumentazioan aurkeztu beharreko fakturak zehazterakoan, adierazten da faktura horiek 2025/2026 ikasturteko gastuei dagozkiela, 2026/2027 ikasturteko gastuei dagokienean.
Ikastetxeei diru-laguntzak emateko deialdiaren oinarriak