VIVIFRAIL Programa. Zahartze aktiboa
Aurreko urtean izandako arrakasta kontuan hartuta, 2025.2026 ikasturte honetan, Altsasuko Udalak Vivifrail programa abiaraziko du berriro Altsasun, zahartze aktiborako politiken barruan
Proiektuak Nafarroako Gobernuaren babesa izango du.
Programa Altsasun erroldatutako 60 urtetik gorako pertsonei zuzenduta dago. Ikastaro honen proiektuaren arabera, proiektu pilotua 2025ean (azaroa-abendua) egingo da 60 urte betetzen dituzten pertsonekin, eta 2026an, 71 urte betetzen dituztenekin (otsaila-martxoa)
Deialdia gutun pertsonalizatu bidez egingo da.
VIVIFRAIL programa osagai anitzeko programa da, eta muskulu-indarra, gaitasun aerobikoa, oreka eta malgutasuna lantzeko ariketak biltzen ditu. Bere ezaugarri nagusia da ariketak pertsona bakoitzaren gaitasun funtzionalera egokituak eta indibidualizatuak direla. Maila desberdinetako ariketak daude, parte-hartzaileen mugen arabera. Estatuan Mikel Izquierdo irakasleak garatu du.
Altsasun ezarri zen, Altsasuko Udalak NUPekin joan den ikasturtean sinatutako hitzarmen bati esker.Hitzarmen horren koordinatzailea Altsasuko bizilaguna, Mikel Lopez Saez de Asteasu da.
24-25 ikasturtean garatutako proiektuari esker, aurten 8 talde finkatu dira Ataboko udal eskaintzan.
Abian jarritako Proiektua eta Altsasuko Udalak martxan jarri dituen hainbat kanpaina osatzera dator, hain zuzen ere, osasun zentroko eta Gizarte Zerbitzuetako profesionalen laguntzarekin bizimodu aktiboak sustatzeko egin dituen kanpainak (Altsasu mugitzen da, Mugitu I, Mugitu II, 60 urtetik gorako jarduerak…).
Parte-hartzaile bakoitzaren egoera fisikoaren balorazioa egingo da saio bakoitza hasi aurretik eta ondoren, zenbat aurreratu duen jakiteko. Hasierako balorazioa behin eginda, Vivifrail programan oinarritutako 12 entrenamendu-saiotan parte hartuko du.
Saioak amaitu ondoren, emaitzak eta VIVIFRAIL entrenamendu-material inprimatua emango zaie parte-hartzaileei, entrenamendu-programarekin modu autonomoan jarraitu ahal izan dezaten.
Hona hemen proiektu honen bidez lortu nahi diren helburuak:
- Helburu orokorrak.Helburu orokorrak:
- 60 urtetik aurrera prebentzioa lantzea, narriadura funtzionala saihesteko.
- Bizimodu aktiboa egiteak dakartzan onurak jakinaraztea.
- Eguneroko jardueretan 60-69 urte bitarteko pertsonen gaitasunak sustatzea eta mantentzea eta gaitasun horien galera atzeratzea.
- Jardueren helburu zehatzak
- Indarra eta oreka hobetzea.
- Ahalmen aerobikoa hobetzea.
- Aldartea eta osasun psikoafektiboa hobetzea.
- Eguneroko jarduerak egiteko autonomia hobetzea